काठमाडौं, १८ असोज । कपिलवस्तुमा सर्पले टोक्दा एकै घरका दुई दिदीबहिनीको ज्यान गएको छ ।
गत मंगलवार राति सर्पले टोकेका वाणगङ्गा नगरपालिका–९ जिनुवाका मोतीलाल क्षेत्रीका ३ वर्षीया छोरी रीतिका र ८ वर्षीया छोरी इशिकाको ज्यान गएको वडाअध्यक्ष कमल पौडेलले जानकारी दिए । उनका अनुसार आमासँग सुतिरहेका उनीहरुलाई राति सर्पले टोकेको थियो । उनीहरुको उपचारको क्रममा हिजो लुम्बिनी प्रादेशिक अस्पताल बुटवलमा ज्यान गएको हो ।
सर्पले टोकेको थाहा पाएपछि दुवैलाई उपचारका लागि कपिलवस्तु सर्पदंश उपचार केन्द्र गोरुसिङ्गेमा लगिएको थियो । तर त्यहाँ उपचार हुन नसकेपछि लुम्बिनी प्रादेशिक अस्पताल बुटवल लगिएको थियो ।
