आइतबार, ७ मंसिर २०८३
ब्रेकिङ न्युज
समाचार

प्रचण्डसँग अमेरिका जान पाउने को–को ?

admin
admin
Prime Minister of Nepal, Pushpa Kamal Dahal, resigns after addressing the nation from his office at Singh Durbar, Kathmandu, Nepal on Wednesday, May 24, 2017. (Photo by Narayan Maharjan/NurPhoto via Getty Images)

काठमाडौं । भदौ १९ गतेदेखि सुरू भएको संयुक्त राष्ट्रसंघको महासभामा सहभागी हुन प्रधानमन्त्री पुष्पकमल दाहाल ‘प्रचण्ड’ भदौ ३० गते संयुक्त राज्य अमेरिका जाँदैछन् ।

महासभाको ७८ औं सभालाई प्रधानमन्त्री प्रचण्डले असोज ४ गते नेपालका तर्फबाट सम्बोधन गर्नेछन् । मुख्यसचिव बैकुण्ठ अर्यालका अनुसार २४ सदस्यीय टोली अमेरिका जाने तय भएको छ । यो समूहमा प्रधानमन्त्रीको निजी सचिवालयबाट १० जना हुने छन् । विदेश जाने भनेपछि काम भएका र काम नभएका पनि जाने गरेका छन् । प्रधानमन्त्रीसँग जान मिल्ने भएपछि असम्बन्धित मान्छेको पनि ताँती लाग्ने गरेको छ । प्रधानमन्त्रीले पनि कसको काम के हो र किन लगिँदैछ भनेर कहिले पनि भन्ने गरेका छैनन् । कतिपय भ्रमणमा व्यापारी तथा व्यवासायी पनि घुम्नकै लागि पनि जाने गरेका छन् ।
स्रोतका अनुसार प्रधानमन्त्रीका मुख्य सल्लाहकार हरिबोल गजुरेल, स्वकीय सचिवहरू गंगा दाहाल, रमेश मल्ल, प्रेस सल्लाहकार गोविन्द आचार्य, निजी फोटोग्राफर प्रदीपराज वन्त, निजी भिडिओग्राफर नवराज दाहाल, निजी डाक्टर युवराज शर्मा र तीन जना सुरक्षाकर्मी हुने छन् । यस्तै मुख्यसचिव बैकुण्ठ अर्याल र राष्ट्रिय सुरक्षा सल्लाहकार शंकरदास बैरागी पनि भ्रमण टोलीमा सहभागी हुनेछन् ।

यसैगरी परराष्ट्रमन्त्री नारायण प्रसाद साउद, उनका स्वकीय सचिव दीपक जोशी, परराष्ट्र सचिव भरतराज पौड्याल, सह–सचिव सेवा लम्साललगायत प्रतिनिधि भ्रमण दलमा हुने छन् । न्युयोर्कमा रहँदा प्रधानमन्त्री प्रचण्ड दीगो विकास लक्ष्य सम्मेलन, क्लाइमेट एम्बिसन समिटलगायत अन्य महत्वपूर्ण एजेन्डासहितका उच्चस्तरीय कार्यक्रममा सहभागी हुने तय भएको परराष्ट्रमन्त्री साउदले जानकारी दिएका छन् । अमेरिकी राष्ट्रपति जो बाइडेनले महासभामा सहभागी हुन आएका विभिन्न देशका राष्ट्र तथा सरकार प्रमुखको सम्मान दिने रात्रीभोजमा पनि प्रधानमन्त्री प्रचण्ड सहभागी हुने कार्यतालिका रहेको छ ।

महासभा चलिरहँदा प्रधानमन्त्री प्रचण्डले विभिन्न देशका समकक्षी तथा प्रतिनिधि मण्डलसँग पनि भेट गर्नेछन् ।

शेयर गर्नुहोस्:
admin
लेखक

admin

सबै लेखहरू

प्रतिक्रिया दिनुहोस्